ભાજપને મળેલા મેન્ડેટ પર હતાશ વિપક્ષોની રાજનીતિ શરૂ
લોકસભા ચૂંટણીમાં મળેલા પ્રચંડ વિજયના પગલે વિપક્ષોમાં મતભેદ વધ્યા છે. મોટાભાગના પક્ષોમાં પરસ્પર દોષારોપણ વધ્યું છે. જ્યારે કેટલાક પક્ષના નેતાઓ પક્ષપલટો કરી રહ્યા છે. એનડીએ સિવાયના પક્ષોના કાર્યકરોમાં હતાશાના વાદળો છવાયા છે. મંગળવારે સમાજવાદી પાર્ટી, બહુજન સમાજ પાર્ટી અને અજિતસિંહના રાષ્ટ્રીય લોકદળનું ‘મહાગઠબંધન’ તૂટ્યું હતું. યુપીમાં થનારી આગામી પેટાચૂંટણીમાં ત્રણે પક્ષે જુદા જુદા લડવાનો નિર્ણય જાહેર કર્યો છે. કર્ણાટકમાં જનતા દળ (એસ) અને કૉંગ્રેસના જોડાણમાં તિરાડ ક્રમશ: પહોળી થઈ રહી છે. જનતા દળ (એસ)ના કર્ણાટક એકમના પ્રમુખ એ. એચ. વિશ્ર્વનાથે કૉંગ્રેસ-જેડી (એસ) વચ્ચેના મતભેદનું કારણ આગળ ધરી પક્ષ છોડ્યો છે. કર્ણાટકમાં જેડી (એસ) અને કૉંગ્રેસના સંખ્યાબંધ નેતા ભાજપમાં જોડાવા તૈયાર છે તેવું જાણવા મળે છે.
ભાજપને મળેલી જ્વલંત સફળતાને પગલે પશ્ર્ચિમ બંગાળમાં બે વિધાનસભ્ય સહિત તૃણમૂલ કૉંગ્રેસના કેટલાક નેતા હજારો કાર્યકરો સાથે ભાજપમાં જોડાયા છે. વડા પ્રધાન મોદીએ પશ્ર્ચિમ બંગાળમાં ચૂંટણીપ્રચાર સભામાં કહ્યું હતું કે તૃણમૂલ કૉંગ્રેસના 40 વિધાનસભ્યો ભાજપના સંપર્કમાં છે. રાજસ્થાનના કૉંગ્રેસ એકમમાં મુખ્ય પ્રધાન ગેહલોત પોતાના પુત્રની હાર માટે સચીન પાયલટનો જવાબ માગી રહ્યા છે. જ્યારે એક વિધાનસભ્યે ગેહલોતને હરાવી પાયલટને મુખ્ય પ્રધાન બનાવવાનું જાહેરમાં સમર્થન કર્યું છે. રાજસ્થાન સરકાર અપક્ષો અને બસપાના સમર્થનથી ચાલી રહી છે.
ગુજરાતમાં કૉંગ્રેસના કેટલાક વિધાનસભ્યો ભાજપમાં જોડાશે તેવી અટકળો ચાલી રહી છે. હરિયાણામાં તાજેતરમાં મળેલી સંકલન સમિતિની બેઠકમાં જાહેરમાં એકબીજા સામે કેટલાક નેતાઓએ દોષારોપણ કર્યું હતું. મહારાષ્ટ્ર કૉંગ્રેસમાં વરિષ્ઠ નેતા રાધાકૃષ્ણ વિખે પાટીલે રાજીનામું આપ્યું છે અને ટૂંક સમયમાં ભાજપમાં જોડાશે તેવી ચર્ચા ચાલી રહી છે.
જમ્મુ-કાશ્મીરમાં નેશનલ કોન્ફરન્સે કૉંગ્રેસ સાથેના જોડાણનો અંત કર્યો છે. તેવા અહેવાલ મળી રહ્યા છે. હરિયાણામાં બીએસપીએ રાજકુમાર સૈનીના પક્ષ સાથેનું જોડાણ રદ કર્યું છે.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now