CIA ALERT
29. March 2024
June 5, 20191min3840

Related Articles



આજે વર્લ્ડ કપમાં બે મૅચ હારી ચૂકેલા સાઉથ આફ્રિકા સાથે ભારતની પહેલી મેચ

Share On :
Print Friendly, PDF & Email

વન-ડેના રૅન્કિંગમાં ભારત ભલે નંબર-વન નથી, પરંતુ નંબર-ટૂ પર રહીને પણ વિરાટસેનાનો પ્રભાવ નંબર-વન જેવો જ છે અને આ સાવજો આજે વર્લ્ડ કપમાં પ્રથમ પડકાર ફેંકશે. પહેલી બન્ને લીગ મૅચ હારી ચૂકેલી સાઉથ આફ્રિકાની હતાશ અને અનેક ઘાયલ ખેલાડીઓની ગેરહાજરીને લીધે નબળી પડી ચૂકેલી ટીમ સાથે આજે ટીમ ઇન્ડિયા બાથ ભીડશે. ભારત-સાઉથ આફ્રિકા વચ્ચેનો મુકાબલો આજે ભારતીય સમય મુજબ બપોરે 3.00 વાગ્યે શરૂ થશે.

આજે રમઝાન ઇદનો પવિત્ર તહેવાર છે અને ટીમ ઇન્ડિયા આજે જીતીને રાષ્ટ્રને ‘ઇદની ભેટ’ આપશે તો માત્ર ભારતીય ક્રિકેટરોમાં જ નહીં, પણ સમગ્ર રાષ્ટ્રના કરોડો ક્રિકેટપ્રેમીઓમાં અનેરો રોમાંચ આવી જશે. આજે ભારત જીત સાથે ખાતું ખોલાવશે એમાં કોઈ શંકા ન હોઈ શકે, કારણકે આ ટીમ પાસે વન-ડે જગતના બે અવ્વલ દરજ્જાના ખેલાડીઓ છે. વિરાટ કોહલી બૅટિંગના રૅન્કિંગમાં મોખરે છે, જ્યારે બોલિંગમાં આપણો ઉત્સાહી અને રોમાંચક જસપ્રીત બુમરાહ સર્વોચ્ચ સ્થાને છે. બૅટિંગમાં રોહિત શર્મા બીજી રૅન્ક ધરાવે છે એટલે ફૅફ ડુ પ્લેસીની ટીમ વન-ડેમાં સૌથી વધુ ત્રણ વખત ડબલ સેન્ચુરી ફટકારી ચૂકેલા આ મુંબઈકરને પણ અન્ડર-એસ્ટિમેટ કરવાની જરાય ભૂલ નહીં કરે.

1999ના વર્લ્ડ કપમાં ભારત પોતાની પહેલી જ મૅચ સાઉથ આફ્રિકા સામે રમેલું અને એમાં જૅક કૅલિસના 96 રનને કારણે ભારત હારી ગયું હતું. જોકે, આજે તેમની પાસે કોઈ કૅલિસ તો નથી, પણ ફૅફ ડુ પ્લેસી તેમ જ જેપી ડુમિની, હાશિમ અમલા, ક્વિન્ટન ડી’કૉક જેવા ટોચના બૅટ્સમેનોથી ભારતે ચેતવું પડશે.

Share On :

આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944


You Can Find us on Google Play store too : Download Now

Leave a Reply

Your email address will not be published. Required fields are marked *

Share On :
Print Friendly, PDF & Email

Share On :