સુરતના ગુરુકૃપા વિદ્યાસંકુલનો વિદ્યાર્થી ધો.12 કોમર્સમાં હિન્દી મિડીયમમાં આખા રાજ્યમાં પ્રથમ

સુરત આવીને વસેલા પરપ્રાંતીયો પરિવારોએ તેમના બાળકો માટે હિન્દી મિડીયમની શાળાની આવશ્યકતા હોય છે. છેલ્લા દાયકા ઉપરાંતથી સુરતના ઉધના વિસ્તારમાં આવેલા ગુરુકૃપા વિદ્યાસંકુલ કે જેઓ ગુજરાત બોર્ડ, સેન્ટ્રલ બોર્ડની સ્કુલોનું સંચાલન કરી રહ્યા છે, આ જ સંચાલક મંડળની હિન્દી મિડીયમની સ્કુલનું પરીણામ ઘણાં વર્ષોથી રાજ્યભરમાં અવ્વલ દરજ્જાનું આવી રહ્યું છે.

આજે ગુજરાત બોર્ડના ધો.12 કોમર્સના પરીણામમાં સુરતના ઉધના સ્થિત ગુરુકૃપા વિદ્યાસંકુલ ફરી ઝળકી ઉઠ્યું છે. ગુરુકૃપા વિદ્યાસંકુલની હિન્દી મિડીયમની સ્કુલનો વિદ્યાર્થી રાજપુરોહિત કૈલાશકુમાર બાગારામએ માર્ચ 2019માં લેવાયેલી ધો.12 કોમર્સની પરીક્ષામાં 99.88 પર્સન્ટાઇલ માર્કસ લાવીને સમગ્ર રાજ્યમાં હિન્દી મિડીયમમાં સૌથી પ્રથમ ક્રમ હાંસલ કર્યો છે.

અગાઉ ધો.12 સાયન્સ અને ધો.10માં પણ ગુરુકૃપા વિદ્યાસંકુલના વિદ્યાર્થીઓ સમગ્ર ગુજરાત સ્તરે ટોપર્સ તરીકે ઉભરી આવ્યા છે.

ગુરુકૃપા વિદ્યાસંકુલના ટ્રસ્ટી શ્રી મુકેશભાઇ પટેલએ શાળાના તમામ વિદ્યાર્થીઓને શુભેચ્છાઓ પાઠવી છે.