ઑસ્ટ્રેલિયાના નવા વડા પ્રધાન મોરિસને શપથ લીધા

દેશની સામાન્ય ચૂંટણીમાં સ્કોટ મોરિસનના નેતૃત્વમાં સત્તાધારી ક્ધઝર્વેટિવ ગઠબંધનના આશ્ર્ચર્યજનક વિજય બાદ તેમણે બુધવારે તેમના પ્રધાનો સાથે ઑસ્ટ્રેલિયાના વડા પ્રધાન તરીકેના શપથ લીધા હતા.

કેનબરાના ગવર્નમેન્ટ હાઉસ ખાતે 46મી ઑસ્ટ્રેલિયન સંસદ અસ્તિત્વમાં આવી હતી જેમાં વડા પ્રધાન સ્કોટ મોરિસન અને ડૅપ્યુટી વડા પ્રધાન મિશેલ મેકકોરમાર્કે શપથ લીધા હતા. નવી કેબિનેટમાં સાત મહિલા પ્રધાનનો પણ સમાવેશ થતો હતો, જેમાં બ્રિગેટ મેકેન્ઝી ઑસ્ટ્રેલિયાના પ્રથમ મહિલા કૃષિ પ્રધાન બન્યા હતા. પશ્ર્ચિમ ઑસ્ટ્રેલિયાના સાંસદ અને નવનિયુક્ત સ્વદેશી બાબતોના પ્રધાન કેન વેઇટ જ્યારે શપથ ગ્રહણ માટે ઊભા થયા ત્યારે ઉપસ્થિત લોકોમાં ભારે ઉત્સાહ જોવા મળ્યો હતો. તેમણે પરંપરાગત કાંગારુ સ્કીન જેને ‘બુકા’ કહેવામાં આવે છે તે પહેરી હતી. વેઇટ અહીંની મૂળ જાતિના પ્રથમ પ્રધાન છે. ગવર્નર જનરલ પીટર કોસ્ગોવે મોરિસન અને ડૅપ્યુટી વડા પ્રધાન મેકકોરમાર્કને સૌથી પહેલા શપથ ગ્રહણ કરાવ્યા હતા.