પાકિસ્તાન બાદ અફઘાની ક્રિકેટર્સ હોટેલમાં બાખડ્યા, પોલીસ તેડાવવી પડી

અફઘાનિસ્તાનના ક્રિકેટ ટીમના સભ્યોએ અહીં એક રેસ્ટોરન્ટમાં કરેલી તકરાર માટે પોલીસને બોલાવવામાં આવી હતી.

અફઘાનની ટીમની વર્લ્ડ કપમાં ઈંગ્લેન્ડ સામે અહીં ઓલ્ડ ટ્રેફર્ડ ખાતેની મેચની પૂર્વે સોમવારે રાતે બનેલા આ બનાવ માટે બી. બી. સી.ના જણાવ્યા પ્રમાણે કેટલાક અનામી ખેલાડીઓએ કોઈ વ્યક્તિ દ્વારા તેઓની ઉતારવામાં આવેલ ફિલ્મ માટે વાંધો દર્શાવ્યો હતો અને તેની જોડે ઝઘડો કર્યો હતો.

પણ, મેચ બાદ પત્રકારો જોડેની વાતચીતમાં અફઘાનની ટીમના કેપ્ટન ગુલબદિન નઈબે મામલાને શાંત પાડવાનો પ્રયાસ કરતા કહ્યું હતું કે તેની પાસે આ ઘટનાની વધુ વિગત નથી. “ટીમ અનેે મારા માટે આ કાંઈ મોટી ઘટના નથી, એમ તેણે કહ્યું હતું. અફઘાનિસ્તાનનો આયોજક રાષ્ટ્ર ઈંગ્લેન્ડની ટીમ સામે ૧૫૦ રનથી પરાજય થયો હતો.

આ પહેલા, મંગળવારે ગ્રેટર મેન્ચેસ્ટર પોલીસે બહાર પાડેલા નિવેદનમાં જણાવવામાં આવ્યું હતું કે પોલીસ અધિકારીઓ આ ઘટનાસર સોમવારે સ્થાનિક સમય અનુસાર રાતે ૧૧.૧૫ વાગ્યે મેન્ચેસ્ટરમાં લિવરપૂલ રોડ ખાતે આવેલ અકબર રેસ્ટોરન્ટ ખાતે દોડી આવ્યા હતા.
તે બનાવમાં કોઈને પણ ઈજા થઈ ન હતી તથા કોઈની ધરપકડ કરવામાં આવી નથી અને તપાસ કરાઈ રહી છે.